Doben.............
Loron ida hau sei husik hela mundu nee
Anjus sira haksolok hananu no hawelok
No istoria kona ba hau, kotu ona iha loron ne’be
Wainhira hau hakotu iis ba dala ikus.
Wainhira tempu too hau atu husik mundu..
Keta iha matan ben sulin ho triste.
Tamba O nia matan ben sei hatodan hau nia hakat.
Hau husik hela mundu hodi hasoru hau nia vida
Wainhira Na’i simu hau nia klamar
Hamaran O nia matan ben....
Maske O sente triste ho hau nia mate
Hau nungka mais atu fila
No sei la fila tan...
Husik ba hau nia klamar hakmatek
Iha anjos sira nia hakuak
Ho ida nee hau sei Hasoru
hau nia todan no salah hotu
Hau husu........
Hau nia mate falun ho O nia hamnasa
kari rai ho laran hadomi
acompanya hau ho kananuk reza
Ho ida nee bele hamenus hau nia todan.
Husik ba rate ne sai sasin............
Katak hau perna haleu fatin nee ho vida tomak
Ho hamnasa hasoru sala mundu nian
Nebe agora dadaun hela deit ruin naklekar
Hau sei hein O iha odamatan rohan-laek
Atu realiza kanoin hadomi nian.
Puizia hau nia mate. Ema hotu sei infrenta tempu difisil ida nee, katak ema nebe ita hadomi tebes husi hela ita. Mate laos liafuan bandu mai ita, O, nia, ema hotu nebe moris iha mundu nee sei mate wainhira tempu too. Lee ba Puizia “hau nia mate nee”.
1 comments:
hau hatene katak loron ida hau sei mate, maibe hau seidauk mate wainhira hau nia destinu sedauk too, hau sei la mate wainhira Nai sedauk bolu no wainhira iss sei lakotu.... BABURA
Post a Comment